BOOKS ARE GALFRIENDS, AND GALFRIENDS ARE BOOKS. So much to learn...




Bad gal ప్రియ అందించిన ఆణిముత్యం.. దీనికోసం ఎన్నిరోజులనుండి షంటబడిందో ;) ఇంతకు మునుపు మనకి ఉక్రేనియన్ జానపద గాధలను గురిమ్చి చెప్పిన ప్రియ ఈ సారి కాస్తంత సీరియస్ ఆర్టికిల్ ఇస్తోంది.

ప్రియ Says...

Invisible Man. ఈ మధ్య చాలా కష్టపడి చదివిన కథ/నవల. అల్లరి పిల్లవి. ఎంత సేపూ నీకు హాస్య కథలే ఎక్కువ నచ్చుతాయి, సీరియస్‍నెస్ తక్కువ. పట్టుమని పదినిమిషాలు స్థిమితంగా కుదురుగ్గా ఉండవు. ఇవండీ నా మీద కంప్లైంట్లు.

నాకెందుకో మొదటి నుంచీ ఎక్కువగా నీరసంగా ఉండేవో, లేదా ట్రాజిగ్గా ఉండేవో కథలంటే నచ్చవు. అన్నీ హీరోయిగ్గా ఉండాలి. లేదా సరదాగా ఉండాలన్నమాట. ఎందుకంటే కష్టాలూ, కన్నీళ్ళూ అన్నీ మన జీవతంలో ఉండనే ఉంటాయి. సో కథల్లోనూ, ఊహల్లో కూడా అవెందుకని. అసలే నాకు ఏడుపంటే యాఆఆఆఆఆఆఆఆఆఆఆఆఆఆఆఆఅక్ ;-)

కానీ ఈ మధ్య చదివిన ఈ నవల నాకు బాగా నచ్చింది. వీలున్నంత క్లుప్తంగానైనా ఈ నవల గురించి చెప్పాలని. Invisible Man అనే పేరుతో రెండు ప్రముఖ నవలలున్నాయి. ఒకటి HG Wells రాసిన సైన్స్ ఫిక్షన్. రెండోది Ralph Elison రాసింది. నేను రాయ బోతోంది Ralph Elison రాసిన హృద్యమైన నవల గురించి. దీని గురించి ఒక పద్ధతిలో చెప్పాలంటే కుదరని పని. చాలా సంక్లిష్టమైన నవల. కథా కథనాలు కలగలసి పోయి ఉంటాయి. అయినా నా సాహసం నేను చేశాను. ఎంతైనా ట్రయే సాధయే ఫలే అన్నారు కదా పెద్దలు. ;-)

కథంతా ఒక narrator point of view లో నడుస్తుంది. Narrator ఒక నల్లజాతీయుడు. మంచి వక్త. అతని జీవితంలో జరిగిన అనేకానేక సంఘటనలు, పొందిన గౌరవాలూ, అవమానాలూ, ఎదుర్కున్న దాడులూ, చివరికి అండర్‍గ్రౌండ్ లో దాగుండటం, మొదలైన సంఘటనలతో ఆద్యంతం ఆసక్తికరంగా సాగుతుందీ నవల.

సంఘటనలని సృష్టించటంలో రచయిత చూపిన శ్రద్ధ ఎందుకో కథనాన్ని మరింత బిగువుగా నడపటం మీద పెట్టినట్టనిపించలేదు. But anyway it is an interesting read, and also a must read for serious book lovers. నల్లజాతీయులు, వారి మానసిక స్థితిగతులూ, ప్రవర్తనా, తెల్లజాతీయుల ఆగడాలూ, brotherhoods, అందులోని వారి insecurities మాత్రం చక్కగా వర్ణింపబడ్డాయి. తనని తానుగా, అసలు తన ఉనికినే గుర్తించకుండా, తననో స్టీరియోటైప్ గా భావించే సమాజంలో narrator మనోభావాలే ఈ కథా వస్తువు. అతని కనబడని వ్యక్తిత్వమే (జనానికి కనబడని/వారు గుర్తించలేని గుర్తించినా బయటపడని)  ఇక్కడ ఇన్విజిబుల్ అన్న పదానికి justification.

Invisible Man అన్న పేరుకు తగ్గట్టుగానే narrator ఆద్యంతం in'visible' గానే ఉంటాడు. ఈ కథలో నాకు బాగా నచ్చిన భాగం narrator స్కూల్ నుంచీ గెంటివేయబడ్డాక అతనికి తన స్కూల్ అధ్యక్షుడు రికమెండేషన్ లెటర్ ఇచ్చిన సందర్భం. ఎందరి వద్దకో ఆ రికమెండేషన్ లెటర్ పట్టుకుని వెళ్ళిన narrator కి అన్నిచోట్లా నిరాశే ఎదురవుతుంది. ఎన్ని ప్రయత్నాలు చేసినా అతనికి కొలువు దక్కదు. చివరికి ఒకతను చెప్పిన అసలు రహస్యం ఆశ్చర్యానికి గురిచేస్తుంది పాఠకులని. అదేమంటే, ఇక మన నాకవరేణ్యుడు ఆ స్కూలుకి తిరిగి రాకుండాను, అతనికి కొలువు దక్కకుండాను చూడమనీ, ఆ విషయం అతనికి తెలియకుండా దాచమనీ చెప్తాడు. ఈ కథాక్రమమంతా చాలా గొప్పగా రాయబడింది.

అలాగే కొన్ని కొన్ని సంఘటనలు, కథనంలోని విషయాలు మనని ఆపకుండా చదివిస్తాయి. చివరికి అతను ఒక paint factory boiler room లో ఉద్యోగం సంపాదించినా... ఒక సహోద్యోగి దాడిలో గాయపడి హాస్పిటల్ పాలవుతాడు. డాక్టర్ల సంభాషణలో తనని ఒక మెంటల్ పేషన్ట్ గా భావిస్తున్నారనీ, షాక్ ట్రీట్మెంట్ ఇవ్వబడిందని కూడా తెలుసుకుంటాడు.

అక్కడినుంచీ బయట పడ్డాక ఆ ఫాక్టరీలో కొనసాగలేక న్యూయార్క్ నగర వీధుల్లో తరుగుతూ ఒక ముసలి దంపదులకు జరిగిన అన్యాయం మీద తన మాటల ద్వారా తిరగబడి, తన ఉపన్యాసాల ద్వారా జనాన్ని ఆకర్షించి, వారిని గెంటివేసిన మార్షల్ మీద జనం తిరగబడేలా చేస్తాడు. ఆ సందర్భంలో దొమ్మీలు జరిగినా మన narrator కమ్యూనిస్టిక్ భావజాలం కలిగిన ఒక brotherhood దృష్టినాకర్షించి అక్కడ వక్తగా, ((ఒకరకంగా mouth piece of the brotherhood) మారి క్రమంగా అక్కడ ఉన్నత స్థానానికి ఎగబాకుతాడు. ఈ బ్రదర్‍హుడ్ శ్వేతజాతీయుల కనుసన్నలలో నడుస్తున్నదని అనుమానం కలిగిన రాస్ అనే వ్యక్తి తో ఇతని సంఘర్షణ మరో మలుపిందులో. ఇక్కడి నుంచీ కథ ముదిరి పాకాన పడుతుంది.

కొన్ని అపార్ధాల వల్ల ఆ బ్రదర్‍హుడ్ నుంచీ దూరమై, రాస్ అనుచరుల వల్ల అవమానాపహాస్యాలకు గురై పారిపోయి మారువేషాలలో తిరుగుతూ, తన వ్యక్తిత్వం, తన identity ఆ బ్రదర్హుడ్ కి ముఖ్యం కాదనీ, కేవలం తన శరీరపు రంగే తనకా స్థానాన్ని అందించిందనీ, రాస్ అనుమానాలు నిజమనే భావనకు వచ్చి, తన ఐడెంటిటీ గురించిన ఆలోచనలో ఉండగా రాస్, అతని అనుచరులు మొదలెట్టిన riots లో వారికి చిక్కి, ఉరితీయమన్న రాస్ ఆదేశాలనుంచీ ఎలాగోలా తప్పించుకుని పోతూ, చివరకో manhole లో పడిపోతాడు. అక్కడే తన నివాసాన్ని ఏర్పరుచుకుంటాడు.

రాస్ తిరిగి జనజీవనంలోకి వద్దామనే భావనతో నవల ముగుస్తుంది. తన invisibility గురించి మొదట్లో బాధ పడ్డా, చివరికి అదే తనకు ఆనందాన్నిస్తుందని తెలుసుకుంటాడు.చదివిన తర్వాత కూడా ఎమ్తోసేపు ఆలోచింపజేసే నవల ఇది.

Ralph elison రాసిన ఏకైక నవల ఇది. చదివి తీరాల్సిన నవల. I give 4 out of 5. And You won' regret reading it.

***   ***   ***

We thank ప్రియ for giving us an excellent article.

Posted by జ్యోతి Nov 12, 2009

Subscribe here