"కమీషనర్లు వస్తారు పోతారు. చంటి గాడు లోకల్. ఇక్కడే ఉంటాడు."
కానీ మన క్రికెట్ చంటిగాడు గ్లోబల్. వికెట్ ఏదైనా సరే, బౌలర్ ఎవడైనా సరే, (జట్టు)పొజిషన్ ఎలా ఉన్నా సరే, "సిట్యుయేషన్ ఎలా ఉందని కాదన్నాయ్యా! రన్స్ కొట్టామా లేదా" అదే సూత్రం.
వందేసేలోపల కనీసం ఇరవై బంతులు మ్రింగే batsmen చాలా మంది. ఇక batting తాపీ ధర్మారావుల సంగతి సరే సరి!మరాంటిది మెల్బోర్న్ క్రికెట్ గ్రౌండ్ లో 2003 December 26 న ఆడిన విధ్వమ్సకరమైన ఇన్నింగ్స్ చిరస్మరణీయమైంది. కానీ అతని ఆటకే కాదు. 195 దగ్గర సిక్స్ కి ప్రయత్నించి ఔటైన విధానానికి, అక్కడి నుంచీ ఇండియా 3/311 నుంచీ 366 కి ఆలౌటై చివరికి మ్యాచ్ ని తొమ్మిది వికెట్ల తేడాతో కోల్పోయినందుకు. అదే వేరే ఆటగాడైతే ఆ పాటికి తన ఆటలో మార్పునో సంయమనాన్నో అలవర్చుకునే ప్రయత్నం చేస్తాడు.
రెండు మ్యాచుల తరువాత... 295 పరుగులు. ఆ 195 ని గుర్తుంచుకున్న batsman అవడూ మళ్ళా కల్లో కూడా సాహసించని షాట్. Sixer. Only player in the world to get his triple with a sixer. I hope only player on Earth to think of that shot.
ఈపాటికే అర్థమయ్యుంటుందందరికీ...
ఎవడు జస్టలా గంటాడితే పీటర్సన్గాడికి దిమ్మతిరిగి కెప్టెన్సీ పోగొట్టుకున్నాడో ఆడే సెగ్గీ... (Indian) cricket చంటిగాడు. (పీటర్సన్ కెప్టెన్సీ పోవటానికి వేరే కారణాలున్నాయనుకోండీ)
వీరేందర్ సెహ్వాగ్... పేరు చెబితేనే ప్రత్యర్థి బౌలర్లకి ముచ్చెమటలు పోసి ఆ సెగ తగలకుంటే బావుణ్ణని కోరుకుంటారు.
అన్నీ ప్రక్కన పెడితే ప్రపంచ క్రికెట్ లో ఎలాంటి బంతి నైనా బౌండరీకి పంపగలిగిన ఏకైక ఆటగాడు. ఏ సందర్భంలో ఐనా, ఎలాంటి పిచ్ పైనైనా ధాటిగా పరుగులు సాధించగలిగిన ఆటగాడు.
"వంద మంది చాపెళ్ళొస్తారు పోతారు. సెహ్వాగ్ లోకల్. అక్కడే (ఓపెనర్ గా) ఉంటాడు."
*** *** ***
"కమీషనర్ కూతుళ్ళకి పెళ్ళిళ్ళు కావా? కమీషనర్ కూతుళ్ళకి మొగుళ్ళు రారా?"
టెస్టుల్లో ఓపెనర్ అంటే డిఫెన్స్ ఆడుతూ ముందున్న batsmen కి బాట వేసే వాడనే భ్రమని (చూ|| గవాస్కర్, చేతన్ చౌహాన్, Geoff Boycott to our own Akash Chopra, and others) కొద్ది కొద్దిగా ఆస్ట్రేలియన్లు తొలగిస్తే దాన్ని రూపుమాపినవాడు సెహ్వాగ్. "ఏఁ ఓపెనర్లు దూకుడుగా ఆడితే పెద్ద ఇన్నింగ్స్ లు ఆడలేరా? సెంచరీలు రావా?"
ఎందుకు రావూ? బ్రహ్మాండంగా వస్తాయి. అది కూడా ఆషామాషీ సెంచరీలు కాదు. అతి భారీ సెంచరీలు. గత పదకొండు సెంచరీలూ, 150 పై మాటే. అందులోనూ రెండు ట్రిపుళ్ళూ మరో రెండు డబుళ్ళూనూ. పాక్ మీద కొట్టిన ట్రిపుల్ ఒక తరహా ఐతే సౌతాఫ్రికా మీద బాదిన త్రిశతకం మరో తరహా. ప్రపంచంలోనే అత్యంత వేగవంతమైనది. ఇందులోనూ 293 దగ్గర సిక్సర్ కొట్టినప్పుడు నేను ఎగిరిన ఎగురుడు ఇంకా మా ఇంట్లో ఫోక్లోర్. వీడి ఆనందం కొయ్యా అని. అంతే కదా మరి. His batting is pure magic. Divine grace. అంటే ఎంత ఆడితే అంత మంచిదని జట్టుకు.
ఈసారిక్కడ సిక్సరంటే చచ్చాడే అని కామెంట్లు. నేను పెట్టిన పందెం కట్టాను. ఖచ్చితంగా 290 దాటాక సిక్స్ కొడతాడాని.
అనిల్ కుంబ్లే దేశానికి చేసిన అతిగొప్ప ఉపకారం బౌలర్ గా వికెట్లు కొట్టి మ్యాచులను గెలిపించటం కాదు. 2007 ఆస్ట్రేలియా సీరీస్ కి సెహ్వాగ్ ని జట్టులోకి తేవటం. లేందే... అప్పటి దేశవాళీ ఫాం, జట్టు పరిస్థితిని బట్టీ అతని రాక అసాధ్యమే.
Form is temporary, class is permanent. ఎక్కువగా వినే మాట. కానీ సెగ్గీదాదా "Defence is temporary. Shot making is permanent" అంటాడు.
He has guts to win glory.
భారత క్రికెట్ కి గంగూలీ ఇచ్చిన వరప్రసాదం సెహ్వాగ్. (జట్టులోకి తెచ్చిందీ, ఓపెనర్ని చేసిందీ). సెహ్వాగ్ ఆటను చాలా సందర్భాల్లో గుర్తుచేసుకోవచ్చు. వాటి గురించి క్రమంగా సరిక్రొత్త కోణంలో తెలుసుకుందాం.
Time Magazine లో సెహాగ్ గురించిన ఆర్టికిల్ చదవాలంటే ఇదిగో లింకు...
బ్లాగ్మిత్రులందరికీ Happy weekend
